KellyChu - 载歌载舞 派圣诞礼物 米奇伙迪士尼义工往儿童医院送欢乐 | Executive日记
KellyChu
2024-12-23 02:00 HKT
字體大小
圣诞节系普天同庆的日子，米奇老鼠走出香港迪士尼乐园，联同一班迪士尼义工队，上周五到访大口环根德公爵夫人儿童医院，为80名病童同佢哋嘅家人举行「迪士尼『童乐游』—圣诞大派对」。米奇仲走入病房，探望未能参与派对嘅病童，向佢哋送上圣诞礼物同节日祝福，分享迪士尼嘅奇妙圣诞。
迪士尼义工喺医院户外空间举办大派对，当中嘅摊位游戏经过细心安排，有互动元素之余亦重视轻巧，让病童容易参与。来自娱乐事务部嘅迪士尼义工，表演歌唱、舞蹈、击鼓同杂耍，病童睇得开心投入；米奇老鼠更惊喜现身，为病童喺治疗旅程上打气。
15岁嘅Marcus同爸爸一齐参与今次派对。Marcus嘅爸爸话，Marcus患有罕见嘅遗传病，需要一直住医院，从未想过去迪士尼乐园玩，当知道米奇老鼠同迪士尼团队来一齐庆祝圣诞，感到非常开心。大口环根德公爵夫人儿童医院行政总监陈金海医生话，医院照顾嘅病童，大多数患慢性疾病，无法自己轻易前往迪士尼乐园。米奇老鼠同迪士尼义工今次来访，为病童带来快乐、笑容同勇气，让他们有更积极嘅心态对抗疾病。Kelly当日亦系义工之一，一起在病童同家长面前跳舞唱歌，又帮佢哋戴上迪士尼卡通人物嘅头饰，见到佢哋笑容满面，好感动亦好开心。
米奇同香港迪士尼乐园度假区首席财务总监施楠带埋圣诞礼物，到病房探望病童，礼物嘅设计好特别，仲好有迪士尼元素，有助儿童喺住院期间更有家嘅感觉。小妹知道，「迪士尼『童乐游』」医院探访项目喺今年4月首度推出，团队先后到过香港儿童医院、伊利沙伯医院探访病童，为儿童患者带来欢乐同鼓励。
KellyChu
迪士尼义工表演歌唱同舞蹈，病童睇得开心投入。
迪士尼义工表演歌唱同舞蹈，病童睇得开心投入。
最Hit
更多文章
