KellyChu - 消防处2025月历出炉 猛男「show肌」劲吸睛显专业本色 | Executive日记
KellyChu
2024-12-06 02:00 HKT
字體大小
消防处2025年月历出炉喇！Kelly就得知，今次月历照片大突破，最吸睛系有4位消防及救护猛男「show肌」，分别手持唔同救援工具，尽显专业本色。相信唔少人都想问，到底点先攞到呢本咁特别嘅月历，记得留意消防处稍后公布喇！
今次消防处月历以「救灾扶危 为民解困」嘅使命为主题，月历1至12月份各附唔同照片，有人、有车，取材自该处3个职系嘅工作日常，凸显消防、救护和调派及通讯课人员时刻紧密合作，喺灭火、院前救护服务和调配资源方面各司其职，竭力守护市民生命安全。
其中几张猛男图分外醒神，例如1月、7月及9月份嘅照片，由消防职系人员亲身上阵，3月主角系救护职系人员，佢哋勤练体魄，上半身「show肌」大抢眼球，系力嘅表现。
大家都要留意，4人各手持或携带消防救护工具，包括属独立便携式呼吸防护装备的呼吸器，可供应独立嘅呼吸空气，保护佩戴者呼吸气道免受灾场嘅浓烟、燃烧所产生嘅有害物质、毒气等危害；平滑坚硬嘅长脊椎板，用作承托怀疑脊椎受伤嘅伤者；及威力强大嘅可马陶快速爆破器，配合万能剪机/积趸使用可进行切割、拖拉、起重及爆破等工作，睇完真系长知识。
值得一提，近年消防不时出动拯救猫狗，5月嘅照片，系1名女职员抱着同事饲养嘅精灵猫猫留影，倍见温馨！
KellyChu
消防处2025年月历出炉喇。
5月嘅照片，系女职员抱着同事饲养嘅猫猫。
最Hit
更多文章
