KellyChu - 马骝嬉戏野猪畅游 翠竹花园变动物乐园 | Executive日记
KellyChu
2024-11-30 02:00 HKT
字體大小
黄大仙屋苑翠竹花园坐落狮子山郊野公园旁边，早几日有居民影到，一群马骝仔喺屋苑附近建筑物嘅天台上嬉戏追逐，跳跳扎扎，又有街坊直击到一只大野猪大摇大摆穿过花槽，喺行人路行走嘅画面，屋苑变成动物园咁，有网民大嗌「惊惊」。
有街坊将短片放到网上群组，见到一群马骝喺草地天台上互相追赶，跑跑跳跳，如入无人之境。有街坊关心呢个天台究竟喺边，楼主就话「位于10座旁」。
唔止咁，另一位街坊仲拍到一只大野猪喺屋苑休憩处出没，大摇大摆穿过花槽，走过一排凳边，之后沿住行人路前行，仲吓到一只雀仔走夹唔唞。片段中有一位女街坊似乎无发现野猪，仍然施施然喺对面马路行过。有网民就留言话「好惊呀」，仲提醒街坊𠮶野猪好似曾经喺屋苑停车场出没。
KellyChu
最Hit
更多文章
