KellyChu - 海洋公园推吸睛大熊猫精品 公仔似足「真熊」可爱爆灯 | Executive日记
KellyChu
2024-11-21 02:00 HKT
字體大小
政府话要发展熊猫经济，现时拥有6只大熊猫嘅海洋公园，昨日宣布推出全新大熊猫精品及美食，包括由「熊猫工厂」出品嘅仿真大熊猫宝宝公仔、熊猫宝宝手工制作瓷器系列等等，款款都可爱爆灯，相信会成为游客抢手纪念品！
仿真大熊猫宝宝公仔似足龙凤胎「家姐」「细佬」，使用纯羊毛面料和手工制作，睇相已经感受到毛茸茸嘅质感，令人好想即刻揽上身，不过价钱就稍贵，要1480/套。海洋公园亦预告一款「超人家姐熊猫毛公仔」，将于周六隆重登场，同日起于海洋公园网上商店接受预购，小妹期待亮相。
其他新品仲有齐一套8款嘅熊猫透卡，可以拎住印有大熊猫可爱模样嘅透明卡，随时随地同靓景打卡留念。
而海洋公园联乘Studio 7 Days推出嘅熊猫宝宝手工制作瓷器系列，有多款得意迷你装饰瓶及首饰，Kelly都好钟意。
KellyChu
熊猫宝宝手工制作瓷器系列。
更多文章
