Cally - 新地新城市广场《沙田同心同行40载》 周末放2,024枚璀璨烟火为盛事揭开序幕 | 商界讲呢啲
Cally
2024-11-18 02:14 HKT
字體大小
唔经唔觉，新城市广场屹立沙田40年，见证住沙田成长嘅历史，亦照顾住沙田居民嘅日常需要。不过唔讲唔知，佢仲创造咗全球人流量最高嘅纪录𠻹。
喺呢个大日子，新城市广场举办紧为期两个月嘅《沙田同心同行40载》庆祝活动，为隆重其事，新鸿基地产主席兼董事总经理郭炳联及新鸿基地产执行董事郭基泓就喺上周六（16日）晚，出席主持活动启动礼，为盛事揭开序幕。
众所周知，新城市广场系新地以至香港首个以公共交通导向模式发展嘅大型综合项目，陪伴几代「沙田友」成长，协助沙田发展为全港18区中人口最多嘅地区，相信新地将利用集团嘅优势，推动经济发展，贡献香港。
今年适逢国庆75周年同新城市广场40周年，新地就响应政府号召提振地区经济，将盛事带入地区，喺上周六举办咗香港首个商场幻彩烟火汇演同狂欢嘉年华，发放咗2,024枚璀璨烟火，配合商场圣诞灯饰，灯效及音乐，相当震撼。
除咗户外烟火汇演之外，商场仲安排咗其他庆祝活动，包括节日灯饰、特色市集、消费奖赏等，通过营造节日欢乐气氛，鼓励市民留港消费，贯彻「香港无处不旅游」嘅理念。
2,024枚璀璨烟火照亮沙田夜空，以庆祝中华人民共和国成立75周年及新城市广场40周年。
最Hit
35岁「多仔婆」女星罕谈性生活尺度惊人 大爆富商男友床上尴尬表现 自揭床事频繁非自愿
2025-11-15 10:00 HKT
TVB「未来视后」惊爆患病需中西合璧治疗 穿酒店拖鞋游街面壁行为怪异 曾自揭患惊恐症
2025-11-15 09:00 HKT
更多文章
