KellyChu - 伙拍红A展出绝版产品 回味旧香港 昂坪360邀林峰主持圣诞梦工场 | Executive日记

Kelly收到风,昂坪360最近同本地经典品牌红A筹备紧圣诞活动,密密有搞作。昨日佢哋就喺社交平台放风,话人气男神林峰11月15日会到访昂坪市集,为「昂坪360x红A圣诞梦工场」主持开幕。帖文仲话,粉丝只要留言,讲吓想同林峰有咩互动,就有机会被选中,送缆车飞同免费参加开幕礼,好彩嘅话,去到现场,仲可以同林峰近距离玩游戏,吸引唔少粉丝留言!

  讲起红A,自然令人谂起60年代香港制水时期,香港人拎住红A胶桶排队装水嘅情景。听讲今次活动,昂坪360好想唤起大家对旧香港嘅情怀,除咗喺市集设置结合红A经典产品嘅大型圣诞布置,仲举办圣诞摊位游戏,大送红A经典绝版及75周年特别版产品,到时仲有红A香港珍藏展,展出红A各款标志性及绝版嘅产品,回味珍贵旧香港回忆。

  当中最受嘱目嘅展品,要数林峰同香港展能艺术会艺术家合作嘅圣诞树艺术装置。呢个艺术品好有意思,系昂坪360早前喺网上呼吁市民以旧换新,将屋企闲置嘅红A旧产品拎嚟重用,再加埋红A厂房嘅闲置产品,重新注入生命,成为艺术展品。

KellyChu
 

人气男神林峰11月15日会到访昂坪市集。
人气男神林峰11月15日会到访昂坪市集。
更多文章