带着善心去旅行 寰宇希望「善客行」东京˙伊豆游 支援当地特殊人士就业
KellyChu
2024-11-08 11:20 HKT
字体大小
寰宇希望喺10月21日至27日举办咗为期七日嘅东京˙伊豆慈善游，由35位热心人士组成嘅「善客行」造访咗日本东京嘅社会企业，以支持特殊人士嘅就业支援服务。
寰宇希望每年都会举办体验筹款活动，将慈善融入旅游。每年他们都会带领团友前往受寰宇希望服务嘅国家，足迹遍布克罗地亚、东非肯亚、四川稻城等地，同时亦筹款支持当地嘅善行活动。
今次「善客行」参访咗几个寰宇希望喺日本分支机构嘅就业支援项目。首先去咗聘用残障人士嘅手工艺品店Atelier Fucca，佢哋以「享受创作乐趣」为理念，希望俾受益人士喺充满鼓励及合作性嘅环境中融入社会。现场仲展示咗好多学员嘅创意作品，包括手袋、T恤、饰品及玩具等。呢啲作品不仅精美，有啲仲拎埋设计奖项。
而位于涉谷嘅荞麦面店Hachi Soba，专门聘用智障人士工作。团友参访时正值午餐高峰期，餐厅座无虚席，经营得相当成功。日本寰宇希望嘅理事宫川公一表示，最重要系给予特殊人士与他人相同嘅工作机会，等佢哋有机会用自己嘅力量服务大众。不但能为员工带来信心，还协助佢哋建立自尊心，对佢哋嘅生活具有重大意义。
正如寰宇希望亲善大使张文新所讲，虽然今次筹款唔系咩大数字，不过最重要推广行善行义嘅宗旨。佢希望每年嘅「善客行」都能激发爱心，勉励行善，推动其他爱好旅行嘅朋友一起「带着善心去旅行」。
日本寰宇希望理事宫川公一（右五）连同日本寰宇希望社员，香港寰宇希望亲善大使张文新（左五）及执行总监廖立恒（左四）率领嘅香港代表团合照。
大湾区航空全力支持「善客行日本之旅」。图为大湾区航空公司机场服务经理邓志豪（中），寰宇希望亲善大使张文新（右二）、执行总监廖立恒（左二）、义务公关尹美玉（左一）以及资深传媒人车淑梅（右一）。
日本寰宇希望的社企Fucca工作室是专为特殊人士设立的职业支援中心，创作及售卖烘焙产品和手工艺品。
最Hit
更多文章
