Cally - 迪士尼．彼思圣诞魔法 人气角色化身棉花糖造型亮相 | 商界讲呢啲
圣诞节又嚟喇，迪士尼．彼思今年喺香港商场搞咗个特别嘅活动，带嚟咗好多大家熟悉嘅动画角色，同大家一齐过个甜蜜嘅圣诞节！今次活动叫做「Pixar Sweet Dreams圣诞甜梦之旅」，喺新地旗下嘅六个商场举行，活动唔止有普通嘅圣诞装饰咁简单，而系带大家用五种感官去体验圣诞节嘅气氛，包括《怪兽公司》、《反斗奇兵》、《玩转脑朋友》同埋《熊抱青春记》嘅角色，全部都变成咗可爱嘅棉花糖造型，令人好似置身喺粉红色嘅童话世界！
Pixar Sweet Dreams甜梦系列 总动员登场
喺北角汇嘅「甜蜜棉花糖乐园」，阿乐同阿愁变咗做棉花糖，企喺彩虹上面同大家打招呼，俾你感受到甜蜜嘅味道，仲有小熊猫陪住佢哋添！最特别嘅系「棉花糖美食车」，里面摆满咗各种角色嘅迷你棉花糖，睇到都觉得好sweet。另外仲有「Pixar Sweet Dreams休憩区」，阿乐、阿愁、劳苏、独角兽、大眼仔、毛毛、Bunny同Ducky都喺度等紧你，仲可以坐喺「梦幻云朵梳化」上面，感受一下甜蜜梦乡嘅气氛。
而上水广场就有2米高嘅「巨型士多啤梨香味劳苏」，香甜嘅味道令人一试爱上，香喷喷嘅士多啤梨散发全身，仲有个「彩虹梦幻之路」同「星星毛毛打卡墙」，绝对系影相嘅好地方。场内仲有「迪士尼˙彼思期间限定店」，卖劳苏主题精品，等你可以买返屋企。而将军澳中心就俾你听到开心嘅声音。毛毛同大眼仔变咗做棉花糖员工，好得意㗎！最特别嘅系「WOW毛毛哈哈墙」，你轻轻掂一掂个星星，毛毛就会笑出声，好正！仲有2米高嘅毛毛邀请你玩「彩虹打卡滑梯」，一定好好玩。场内仲有「迪士尼˙彼思期间限定店」，有齐各款角色主题精品。
欢乐气氛网红打卡位
想影下欢乐气氛嘅相，就一定要去PopWalk天晋汇嘅「玩转脑朋友」，喺「乐悠哈哈镜」前同阿乐摆出不同可爱甫士，每个角度都反射出搞鬼身形同表情，带来体验全方位的视觉感，仲有个「自我意识」区域，可以根据你嘅心情起伏变化按掣转色。最特别嘅系个「光影记忆球」，波波灯折射出幻变的效果，随手影出网红照，仲有立体特效眼镜送添，戴上去睇嘢会有爱心效果㗎！另外仲有吹气「情感快车」同2.5米高嘅「五色彩云」，一定会令你开心晒。
另外，卓尔广场2米高嘅「小熊猫」『摸』法世界，就俾你摸得到软绵绵嘅体验，仲有2.5米高嘅「巨形毛毛尾巴」俾你摸。最好玩嘅系可以玩「小熊猫井字过三关」游戏，睇下边个会赢。最后喺life@KCC，《反斗奇兵》嘅Bunny同Ducky竟变咗做棉花糖，喺云上面摇来摇去。仲有个2米高嘅「梦幻彩虹拱门」同2米高嘅「毛毛心形装置」，影相一定好靓，仲可以坐喺白云上面影相，好似发白日梦咁。呢个圣诞节，一于去呢几个商场感受下迪士尼．彼思嘅魔法啦！保证会俾你一个难忘嘅甜蜜圣诞体验。
由11月9日至11月22日的指定日子及时间，新地将设「Pixar Sweet Dreams派送车」于6个商场轮流快闪，为粉丝送上甜蜜惊喜！顾客可于指定日期及地点换领棉花糖及「Pixar Sweet Dreams甜梦之旅」通行证。凭「Pixar Sweet Dreams甜梦之旅」通行证可到访商场指定地点收集指定印章，集齐印章即可换领商场现金券及迪士尼．彼思Sweet Dreams系列限量精品。详情请留意各商场Facebook专页公布11月下旬起，各商场更预备了一系列独家迪士尼．彼思Sweet Dreams系列限量精品，包括旅行套装、各款文具用品及厨具等，粉丝们万勿错过，将心爱角色一拥回家，延续甜蜜五感回忆，欢度快乐圣诞！
新地6大商场
「Pixar Sweet Dreams圣诞甜梦之旅」圣诞装置
地点：上水广场、北角汇、将军澳中心、
PopWalk天晋汇、卓尔广场、life@KCC
