Cally - 一粥面×李锦记 千人「马拉松式」品尝煲仔饭 | 商界讲呢啲
Cally
2024-10-05 02:00 HKT
字體大小
依家啲「孖屐亭」活动真系愈做愈癫，我明嘅，斗吸睛吖嘛！就好似最近一粥面就联乘李锦记举办「火力全开！鲍鱼煲仔饭千人挑战！」活动，为咗宣传新产品「鲍鱼腊肠滑鸡煲仔饭」，竟然邀请咗成1,000位参加者嚟「马拉松式」品尝煲仔饭，为本土美食创下首个世界纪录，我感觉系：坚劲！
咁大坛嘢，当然全员出动啦！当日出席嘉宾包括大家乐集团执行董事罗德承、首席执行官梁可婷、总经理（一粥面及米线阵）郑惠真、李锦记企业事务执行副总裁孔君道、副市场总监黄诺行、领展首席营运总裁（中国内地除外）卓格理，以及香港租赁董事总经理霍业生等等，众人一齐主礼启动仪式，为活动揭开序幕。
大会将整个活动分为6个场次，参加者即场品尝「鲍鱼腊肠滑鸡煲仔饭」，现场更有人气女团Lolly Talk演唱《一把火》同其他热门歌曲，呢把「火」真系烧到现场冚冚声，相当热闹！
台上精彩，台下都唔逊色！有本地艺术家Noble Wong以香港90年代的经典背景，创作出具有本土特色嘅手绘打卡墙，以及放大版嘅鲍鱼腊肠滑鸡煲仔饭主题装置供人拍照留念；乐富广场亦挂满由邻舍辅导会赛马会大埔北青少年综合服务中心的一班青年以「香港地道煲仔饭饮食文化」为主题嘅木牌设计作品，整个活动搞到有声有色！
原来今次活动嘅首场门票系早前公开发售嘅，俾顾客购票到场参与盛事，而慈善场门票嘅全数收益将会捐赠俾邻舍辅导会；而第二同第三场活动更邀请到400位来自邻舍辅导会嘅服务对象一齐参加，为有需要人士带嚟欢乐，一举多得！
大家乐集团首席执行官梁可婷表示，一粥面同李锦记都系本地土生土长嘅品牌，啱晒一齐推广香港地道美食，Cally都好赞成呀，今次啱晒合尺啦！
最Hit
更多文章
