KellyChu - 百童首舞传承文化 双火龙穿梭大坑 市民游客大赞气氛佳 | Executive日记
KellyChu
2024-09-19 02:00 HKT
字體大小
昨晚系大坑舞火龙盛会最后一日，小妹把握最后机会去到现场，体验呢个一年一度嘅香港传统节庆活动。好多市民都同Kelly一样特意嚟到欣赏，当中亦不乏中外游客捧场。全长67米嘅火龙由逾百位健儿引领，穿梭大坑嘅大街小巷，气氛好不热闹！
大坑舞火龙喺2011年获列入「国家级非物质文化遗产」，昔日用作驱温消疫嘅习俗，成为今日中秋传统节庆，亦系香港引以为傲嘅文化宝藏。
今年旅发局将大坑舞火龙盛会升级，首次加入由大约100名小朋友舞动长达20米嘅LED小火龙，希望吸引更多市民和游客观赏，同时传承舞火龙文化。另外亦首次喺维多利亚公园进行现场直播，以令更多人能够一齐参与呢场盛会。
有市民认为，今年舞火龙嘅气氛较以往更热闹、更有特色，亦有唔少家长带同子女观赏，希望下一代认识传统文化。有小朋友话，睇到火龙觉得好有趣，又可认识传统，形容场面壮观，而且表演者能够舞动又大又重嘅火龙，好犀利。
KellyChu
工作人员为龙头换香。
最Hit
更多文章
