KellyChu - 「如心园」添浪漫声光汇演任打卡 | Executive日记
KellyChu
2024-09-16 02:00 HKT
字體大小
喺去年年底开放给公众嘅「如心园」，系香港独一无二嘅新景点，园内展示一系列弥足珍贵嘅木化石藏品，为市民同游客展开一趟跨越数百万年嘅溯古旅程。近期园方喺晚上加推户外「声光汇演」节目，光彩耀目，畀访客难忘嘅体验，Kelly就不断打卡，传畀朋友睇，佢哋仲以为小妹去咗外地旅游𠻹。
展木化石藏品可触摸
毗邻荃湾如心酒店嘅「如心园」，园区同设施占地约7万平方英尺，展有千百年历史嘅化石，访客可以任意触摸同欣赏这些珍品。小妹朋友话，佢触摸化石期间，感受到一阵阵能量传遍身体，哗，咁神奇！
最近好多人相约去「如心园」，原来晚上加推「声光汇演」节目，每日晚上7时开始，喺钟心广场放映5次，每半小时1次，长约4分钟嘅立体光影show，融合视觉、音乐、灯光同烟雾效果，喺星空下营造愉悦嘅浪漫感觉，为「如心园」之旅划上圆满嘅句号。
「如心园」朋友话，声光汇演节目会定时更换，现在正放映嘅节目名为「光阴交响曲」，系一场充满诗意嘅灯光秀，故事从象征永恒嘅广阔天空开始，通向生命嘅摇篮—地球……大家去亲身体验吓，照相留念，一定好似小妹咁，觉得好难忘。
KellyChu
最Hit
更多文章
