KellyChu - 个人奋斗体会：父母支持 是孩子最大鼓励 何诗蓓见粉丝 大人细路雀跃 | Executive日记
KellyChu
2024-09-09 02:00 HKT
字体大小
泳队「女飞鱼」何诗蓓昨日现身商场见面会，吸引大批粉丝捧场。谈及东京奥运及巴黎奥运2届分别赢得2银及2铜，诗蓓认为今届更加特别，因为有父母及朋友亲自到场打气，比赛时亦见到好多观众挥舞区旗，就似大家一齐见证佢过去3年嘅努力得到回报。
何诗蓓喺上届东京奥运攞到100米及200米自由泳银牌，今届则喺呢2个项目都赢得铜牌，系本港历来首位喺游泳项目赢得奥运奖牌嘅港将，同时累积奖牌亦系历来最多一位。诗蓓拎住奖牌现身，形容今届巴黎奥运嘅奖牌外型似太阳，中间块铁系巴黎铁塔嘅一部分，好似将巴黎带咗返香港一样。
问及如何克服压力，调整心态出战，何诗蓓坦言，经过东京奥运后多咗人认识自己，所以今届多咗外界对佢嘅期望，去巴黎之前一直同教练及运动心理学家面对呢件事，对团队同自己有信心，加上出场时得到好多港人支持，感觉似喺屋企比赛一样，从而得到鼓励，可以放松心情比赛。
好多家长带同小朋友到场一睹偶像风采，何诗蓓亦借此分享自己嘅成功经验，认为无论做任何行业，自身都需要非常自律，十分专注才能将每件事情做到最好，只要对一件事有热情，无论几辛苦都可以坚持落去，而父母嘅支持亦会成为对孩子最大嘅鼓励，令佢哋知道无论失败定成功，背后都有父母嘅支持同爱，呢点系非常重要。
KellyChu
何诗蓓送出亲笔签名，又同到场支持嘅市民合照。
最Hit
5大最潮湿屋苑!? 电器店抽湿机销售数据揭秘 将军澳日出康城、大埔富蝶邨上榜 第一位「断层式」领先 居民有同感：畀水浸住咁
2026-03-05 11:32 HKT
尖沙咀隐世「靓位」$0任坐！免费WiFi+舒服枱櫈 带电脑工作/温书都得 网民：仲有干净厕所
2026-03-05 12:02 HKT
阿伯连锁快餐店$7买奶茶自备包点挨轰 遭拍照公审惹议 结局神反转｜Juicy叮
2026-03-05 13:49 HKT
绕场一周｜公益慈善伙伴大奖
2026-03-05 11:15 HKT
上水旧校改建简约公屋获港人大赞 列3大优点 楼底高/空气好：住到死都制！
2026-03-05 14:59 HKT
更多文章
