KellyChu - 100%商贸展已回归 参观人数破730万 会展中心活动超疫前8成 | Executive日记

疫后本港会展业重新启动,会展管理公司去年就成功争取34个新展览会议喺香港举行,1年接待咗823项活动,参观人次达逾730万,活动数目超疫情前8成,其中商贸展仲全数回归。Kelly平时好钟意睇展,真系觉得最近好多精彩展览,相信之后一定陆续有来!

  去年7月至今年6月,共有823项活动喺湾仔会展举行,其中包括122个展览、81个国际及本地会议,及数以百计嘅企业会议、宴会同文娱活动;出席会展中心活动嘅参展商、访客等,人次超过730万。会展管理公司董事总经理梅李玉霞就话,对过去1年嘅成绩感到鼓舞,会展中心嘅活动数量,已超过疫情前8成水平,符合预期。事实上,100%嘅商贸展,都已经回归会展中心。

  佢又话,呢啲成果,都反映香港举办国际活动嘅独特优势并未动摇,并再次肯定,会展中心系举办活动嘅世界级场地。

KellyChu

更多文章