KellyChu - 迪士尼义工队最大型医院探访活动 米奇米妮同小朋友开Party派礼物 | Executive日记
KellyChu
2024-08-26 02:00 HKT
字體大小
迪士尼一向关怀社会，上星期五就派出义工队，到香港儿童医院，为超过300名病童及家长搞咗个嘉年华。今次系迪士尼义工队历来最大型一次医院探访活动，期间一班热心义工同小朋友玩游戏，仲大派礼包。当然，咁多位小朋友最兴奋，都系见到米奇同米妮惊喜现身！见住大家笑容满脸大合照，真系感受到迪士尼个份奇妙力量！
当日有50位迪士尼义工同一班小朋友喺香港儿童医院搞嘉年华，现场大堂仲设有互动游戏摊位，仲有演唱及魔术表演，真系好热闹！义工队仲同大家派发香港迪士尼特别设计嘅礼包，其中有《魔雪奇缘》、《玩转脑朋友》主题压力球；系列人气动画主题文具等。迪士尼话，之后会陆续透过公立医院同非牟利机构，向病童共送出6000份礼包。另外，香港迪士尼乐园度假区行政总裁莫伟庭亦探访病童，仲同大家一齐大合照！
同弟弟一齐参与嘉年华嘅凯桐就话，呢个嘉年华好好玩好难忘；凯桐妈妈亦觉得好开心：「知道迪士尼会嚟举办party，就已经好期待。小朋友最钟意米奇同米妮，可以同佢哋现场见面，令我哋今个暑假好难忘！」另一位小朋友谋安一样咁兴奋，妈妈就笑住话，很高兴见到仔仔乐在其中。
KellyChu
莫伟庭与米奇、米妮探访病童。
更多文章
