KellyChu - 展商料人流生意额与去年持平 动漫节开锣 Cosplay专区最吸睛 | Executive日记
KellyChu
2024-07-26 02:00 HKT
字體大小
一连5日喺湾仔会展举行嘅动漫节今日正式开锣，今年除咗旅客门票外，展览不设现场售票，3楼cosplay专区更首次改为付费入场。有参展商预计人流同生意额同上年差唔多，又推出香港特色盲盒吸客，其中包括珍宝海鲜舫嘅拟人机械人模型。
有主打香港情怀嘅参展商表示，预计客流量及销售量与上年持平，所以备货量亦与以往相若，又认为网上购票已经系大趋势，相信改变能够令入场流程更加流畅。佢哋今年专登推出盲盒系列吸客，有珍宝海鲜舫嘅拟人机械人模型，以及九巴、城巴、的士等本港特色交通工具机械人模型。
此外，香港玩具品牌Hot Toys今年亦都策动咗大型珍藏人偶展览，其中最吸睛嘅莫过于《死侍与狼人》死侍1︰6比例珍藏人偶（会场特别版），会场限量800套现货，唔买都一定要打张卡！
会场仲有多个瞩目比赛登场，包括《动画配音大赛@CP2024》，绝对系热爱配音嘅参赛者，一展所长嘅最佳舞台，比赛将由职业粤语动画配音员担任嘉宾及评审。
而今年适逢动漫电玩节25周年，主办方亦特别邀请咗日本人气舞蹈团队－Avantgardey为舞动大使，为一众动漫迷带嚟惊艳嘅编舞表演。
KellyChu
最Hit
更多文章
