KellyChu - 「通灵之王」枫燧道长大作《悟道德》传授修心妙法 明天现身书展签名交流 | Executive日记
KellyChu
2024-07-20 02:00 HKT
字體大小
都市人每日返工返学，向住自己嘅目标奋斗，总会遇到压力同困惑嘅时候。最近Kelly知道，有一本叫《悟道德》嘅新书，喺依家香港书展期间推出，教授大家用中国传统道家嘅智慧，透过「修心」，学习喺忙碌嘅生活中保持内心平静，写呢本书嘅作者仲好有来头，就系喺电视真人骚《通灵之王2》勇夺冠军嘅道长易烊枫燧。
有睇过《通灵之王2》嘅观众，都知道枫燧道长嘅道教符咒、法术同八字功夫有几深厚，今次佢第一次出书，希望同读者分享佢10几年来修习得来嘅道家养心功夫。枫燧道长喺书中介绍道家嘅入门修心方法，让初学者掌握基本知识，亦会讲解《道德经》同其他中国古代先贤著作嘅内容，引领读者探索蕴藏喺经典里面嘅智慧。例如明朝大儒王阳明提倡嘅「致良知」、「知行合一」，枫燧道长都喺书中一一细谈。
枫燧道长话，当下社会流行一种说法：「在上班和上进之间，90后选择上香；在求人和求己之间，00后选择求神问卜。」枫燧道长认为，呢句话仿佛揭示一代年轻人嘅心声，喺面对生活压力与困惑时，试图寻找可以寄托心灵嘅方式，所以佢将自己从中国哲学中学到嘅宝贵智慧，分享畀更多人。「我希望能够帮助大家了解养心功夫嘅内涵同价值，从而逐渐融入到自己嘅生活，实现内心嘅平静同和谐。」
其实，枫燧道长系中国道教五大宗派之一「正一派」嘅授菉弟子，喺江西龙虎山修道。出呢本新书之前，佢亦喺网上平台开设国学课堂，弘扬中华文化，反应好热烈，累计报名人数已经超过10万。今次出书，道长仲会喺星期日（21日）晚上7点，现身书展会场，同读者签名，想亲身同枫燧道长交流嘅朋友，记得去喇。
KellyChu
枫燧道长嘅新书《悟道德》教授大家用中国传统道家嘅智慧，学习喺忙碌嘅生活中保持内心平静。
更多文章
