Cally - 与毛孩共度体育盛事 北角汇「毛小孩运动嘉年华OlymPETS Carnival」隆重登场 | 商界讲呢啲
Cally
2024-07-04 02:00 HKT
字體大小
为咗令主人同爱宠可以共度4年一次嘅奥运会，由7月13日至8月31日，星级宠物友善商场北角汇将举办一场盛大嘅「毛小孩运动嘉年华OlymPETS Carnival」，为人宠家庭提供一个夏日绝佳嘅运动同娱乐好去处。今次嘉年华融合咗浓厚嘅法国风情，呼应嚟紧嘅「巴黎奥运」，实行为主人同佢哋嘅爱宠打造一次独特嘅运动体验。
藉住运动主题，场馆内特别设计咗3大体育项目，畀主人同爱宠一齐参与，分别系「人宠慈善瑜伽班」、「『汪』式足球挑战营」同「毛小孩跆拳道证书课程」。除此之外，主办单位仲联手「香港爱护动物协会 」（SPCA）、宠物资讯平台「PET-A-HOOD」同宠物活动专家「肉球城市」，开办一连串嘅毛孩运动课程同工作坊，加埋6大运动比赛场景，主人同爱宠都可以一展运动英姿，就等呢股运动热潮扩至「汪喵星球」！
「Hello Kitty！Hello SPCA！」
动物拯救基金展览及慈善义卖
另一方面，「动物拯救基金」首次用「Hello Kitty！Hello SPCA！」为主题作慈善展览，同样选址北角汇，而为庆祝Hello Kitty 50周年，Hello Kitty更换上爱协督察造型向大众介绍动物拯救嘅重要工作。同场加映「Hello Kitty！Hello SPCA！」限量版产品慈善义卖活动，香港爱护动物协会将喺指定周末推出「Hello Kitty！Hello SPCA！」限量版产品慈善义卖，包括精美贴纸及纪念布章、时尚感满分嘅T恤及帆布袋等，当然仲有毛孩专用嘅响球玩具及绒毛毯，欢迎主人同爱宠齐齐选购。
展览日期：7月13日至8月31日
（早上10时至晚上10时）
慈善义卖日期： 7月13及14、20及21日
（中午12至下午5时）
最Hit
更多文章
