KellyChu - 引入多种原生和外地植物 上班族市民亲亲大自然 太古中央广场「城市森林」 | Executive日记
KellyChu
2024-06-28 02:13 HKT
字體大小
香港人口稠密，地小人多，缺乏大面积嘅绿化休憩空间，但Kelly最近发掘到石屎森林入面有一片绿洲，就系位于太古坊嘅太古中央广场。走入花园满眼翠绿，树影婆娑，池水粼粼，仲有多种本地和外来植物，吸引附近昆虫和鸟儿栖息。闲坐多样性植物荫下，可与大自然近距离接触，实在系城市人福音。
太古中央广场引入多个原生植物物种，为本地鸟类、蝴蝶、昆虫及其他动物，提供理想栖息地和食物。香港户外生态教育协会（OWLHK）嘅专业生态导师Hugo话，广场嘅位置喺柏架山与海滨之间，从而形成一条通道，让乌儿可以飞过，中途休息。游花园嘅时候，Kelly见到两只可爱小雀站喺假苹婆树冠上，原来系刚成年嘅红耳鹎。
Hugo介绍咗多种本地原生植物，令小妹大长知识，其中一个叫鸭脚木或鹅掌柴（Ivy Tree）嘅香港常见树种，原来好有价值，因为系少数会于冬天开花嘅植物，所以成为冬蜜嘅来源，其树叶亦都系白伞弄蝶嘅主要食物，廿四味其中一味，更系用鸭脚木嘅根茎作为原材料。
除咗常见树种，广场里亦有一些香港稀有及珍贵植物，例如本地树形蕨类植物刺桫椤，佢喺6500万年前就已经出现，曾经系草食性恐龙嘅主食，因此又有「活化石」之称。与香港名字起源有关嘅土沉香，都可以喺呢度揾到。嚟呢个都市后花园散步，同时都增加咗小妹对香港大自然嘅认识，好开心。
KellyChu
鸭脚木系香港常见树种，更系廿四味其中一味原材料，开花时含冬蜜，成为昆虫冬天粮食。
最Hit
15岁少女患末期肝癌 10cm肿瘤占据半个肝脏 揭日吃3种食物惹祸
2025-11-20 12:05 HKT
一线花旦突被爆料已离婚 传已分居一年半零互动 男星老公被指出轨有前科
2025-11-20 11:30 HKT
更多文章
