KellyChu - 菲律宾龙舟队健儿首游香港迪士尼 玩转Frozen | Executive日记
KellyChu
2024-06-22 02:00 HKT
字體大小
维港上个周末举办咗香港国际龙舟邀请赛，多个国家嘅精英健儿云集本地，菲律宾队嘅运动员就好识work hard，play hard，佢哋趁机喺赛前去咗香港迪士尼乐园放松一吓，留下珍贵回忆。多位健儿都系第一次嚟到香港迪士尼乐园，对Frozen新园区感到新鲜，而迪士尼其中一位菲律宾籍嘅亲善大使Gisele亦热情款待。
菲律宾龙舟总会嘅精英队，为代表菲律宾出战2024香港国际龙舟邀请赛，经历多个月嘅密集式训练，佢哋大部分成员都系嚟自菲律宾海军或海岸警卫队，体格非常好。总会同香港迪士尼乐园精心安排一个welcome break畀各位健儿，等佢哋可以喺赛前好好放松充电。
一行50多位健儿，好多人都系第一次嚟到香港迪士尼乐园，其中Frozen新园区最吸引佢哋，大家都觉得好新鲜，因为呢个园区系得香港先有㗎。
香港迪士尼乐园其中一位亲善大使Gisele，系第一位菲律宾籍嘅亲善大使，佢尽显好客之道，亲自接迎各位健儿，仲同大家一齐开心selfie！迪士尼话，Gisele平时都有喺乐园玩开龙舟。Kelly认为大家真系好有缘份，希望佢哋将香港开心嘅回忆带返菲律宾喇。
KellyChu
菲律宾龙舟总会嘅精英队健儿，第一次嚟到香港迪士尼好开心。
更多文章
