KellyChu - 林家谦伙昂坪360拍宣传片 分享幼时「多啦A梦」窝心鼓励 | Executive日记
KellyChu
2024-06-17 02:00 HKT
字體大小
林家谦同昂坪360合作拍片，宣传「多啦A梦」主题缆车及限定活动，佢话其实大家成长过程身边都有一位「多啦A梦」，就系自己嘅父亲。影片由郑子诚饰演温柔好爸爸，《年少日记》主角黄梓乐饰演儿时家谦，二人多段对话都搞到Kelly眼湿湿，今次家谦嘅喃呒有「洋葱」。
片段开首家谦搭「多啦A梦」主题缆车，忆起：「我细细个就好想多啦A梦可以一直陪住我，因为佢有好多法宝令人开心」。镜头跳到小时候嘅家谦（黄梓乐饰演），佢同爸爸（郑子诚饰演）讲：「今次考试考得唔好，我下次会畀心机㗎喇」。郑与《年少日记》嘅严父不同，以「爸爸细细个零鸡蛋都攞过好多次喇」鼓励囝囝。
家谦又指自己同胖虎一样都好钟意唱歌，细个曾经畀人话过佢唱歌唔好听，不过多啦A梦（爸爸）就同佢讲，要对自己有信心！故事讲出小朋友成长时嘅迷茫，同埋家长点样透过说话鼓励孩子，巧妙结合多啦A梦同父亲嘅角色之余，亦好有教育意义。
KellyChu
黄梓乐（左）及郑子诚（右）有份参演。
最Hit
更多文章
