胡慧冲 - 断舍难离 | 笔泰冲动
胡慧冲
2024-06-14 02:00 HKT
字體大小
断舍离呢三个字近年喺香港好流行，但对于我来讲，呢三个字就等于「人生交叉点」一样。
自己无论喺泰国同香港都有好多唔等使嘅东西，泰国屋企经常畀大家睇到有好多幪面超人、007嘅收藏，呢啲收藏部分摆喺饰柜之中可以朝夕相对，有啲就摆埋喺柜桶里面，根本一年都未必会睇一次，尤其书籍摆咗上书架就唔会睇……经常讲有朝一日自己走咗，你可能喺翟道翟见到我啲嘢被人拎咗去卖……
其实除咗泰国屋企多呢啲宝贵垃圾之外，喺香港我一直以来都有租迷你仓，因为依然有好多食之无味弃之可惜的东西唔知点处理好，又或者唔舍得处理，结果就要摆入迷你仓。但之前因为一啲事情搬了又搬，幸好最近朋友找到一个几理想嘅迷你仓集团24 storage畀我，里面设备较为先进，而且配套都几好，有空间位畀大家可以休息摊唞，亦都有免费樽装水同咖啡供应，最紧要系有电子门锁，唔使惊唔记得带锁匙。
今次返嚟香港任务多多，其中一个任务就系清理门户，把一些纸箱转做胶箱，然之后再地毡式搜索，将一啲真系可以唔要嘅嘢掉咗佢，但花咗两日时间，都只能够表面上执好，如果要执好晒真系要再畀多啲时间。其实迷你仓里面所有嘢都系一啲回忆，甚至乎集体回忆，尤其是竟然有两大箱当年泰国旅游时影嘅菲林，以前泰国是甚么模样？曼谷未有BTS之前又系点样？菲林晒返数码相出嚟，又可以重新为大家分享，其实都系一个怀旧宝库。似乎以后每次返嚟香港都要入一入迷你仓呢个宝库寻宝先得。
胡慧冲
最Hit
宣萱上载「拖手相」官宣古天乐恋情？无预警甜蜜发图惹网民疯狂 本尊上水10字亲回应
2025-11-13 22:00 HKT
香港老板大赞厨师见工有诚意！港男「盛装」应征中厨 即场抛镬炒小菜 网民恭喜：尊重自己同工作
2025-11-13 16:00 HKT
更多文章
