KellyChu - 将保育理念融入传统习俗 佛诞求福报 嘉道理农场倡植树代替放生 | Executive日记
KellyChu
2024-05-08 02:00 HKT
字體大小
下星期三就系佛诞日，唔少教徒会喺呢个日子进行放生仪式，希望获得福报同好运。嘉道理农场就呼吁应将保育理念融入传统习俗，例如用植树活动代替放生，因为放生当中牵涉动物买卖，好多动物往往系从野外捕捉而来，唔少更处于虚弱和生病嘅状态，而呢啲动物嘅苦难，仅为满足人类放生嘅目的。
嘉道理农场指，我哋经常喺新闻睇到有人将淡水巴西龟放生入海中，但好多时候，香港并非呢啲动物嘅原生地，佢哋喺野外嘅生存率偏低，外来物种更可能破坏本土生态平衡，影响原生动物嘅食物供应。
有啲动物会被捕捉及关入笼中以供放生之用，有违透过放生去帮助动物嘅本意，部分更会喺捕捉期间受伤或死亡，或于运送时因缺水缺粮而丧命，另外一啲被放生嘅动物，其实系由人工繁殖作宠物用，唔识野外求生，放生后存活率也非常低。
农场强调，喺购买动物放生前，应从保育及动物权益作慎重考虑。
农场建议，善信可用植树活动代替放生，从培育树苗成长嘅过程中分享生命喜悦，缔造新嘅树林更可提供地方畀野生动物摄食、栖息及繁衍，植树培养出嘅感情同埋成功感，可以让善信终生回味，比传统动物放生来得更恒久。
KellyChu
嘉道理农场呼吁应将保育理念融入传统习俗，例如用植树活动代替放生。
最Hit
将军澳酒楼开业不足一年突结业！上手连锁酒家同样败走 网民分析2大执笠原因
2025-11-21 13:22 HKT
TVB富贵人妻自爆做「收缩阴部」手术：未生前已好想做 马主老公聘两专员全天候照顾爱妻
2025-11-21 13:00 HKT
更多文章
