Cally - 社会创业论坛 商社共赢2.0 中小企以共享价值创蓝海 | 商界讲呢啲
Cally
2024-04-30 02:18 HKT
字體大小
由社会创业论坛主办嘅商社共赢2.0研究报告《商社共赢创蓝海》发布及研讨会今日举行，请得一众业界精英讨论企业如何发展商社共赢嘅营运模式，开拓蓝海市场。随着世界各国对社会可持续发展越来越重视，有更多企业提倡「创造共享价值」（CSV，Creating Shared Value）。近年好多企业重视嘅CSR（Corporate Social Responsibility，企业社会责任），同CSV有咩唔同？
社会创业论坛副主席黄英琦女士，太平绅士解释：「CSR简单嚟讲就系发财立品，企业赚到钱后，捐出部分营利回馈社会。而CSV系营商策略，主动回应社会需要、关顾员工发展、福祉，同时对公司有利；目标系既帮到社会，公司亦能赚钱。」
佢以其中一位《商社共赢创蓝海》研究报告嘅讲者「橄榄时光」代表作例子，呢个专门生产高质橄榄油嘅内地企业，机缘巧合下去到一个专种橄榄树的农村，及后决定同当地农民合作，由教授农民种植生产、设厂提炼橄榄油、市场推广等一条龙提供解决方案，公司既得到高质产品外销提高收益，村民亦因此改善生活，配合国家嘅扶贫政策，各方持份者都可得益，咁样嘅经营模式才能够可持续发展。黄英琦补充：「今次研究过程中，发现其实好多中小企都想为社会做啲嘢，财善并用，只系未揾到最好嘅实践方法，有啲公司亦未听过CSV 。我哋希望帮助中小企多啲认识CSV理念，发掘更务实嘅方案去达致互利共赢。中小企唔能够用孤岛心态去营运，无论企业大小，喺社会大环境下都唔可以独善其身，老板们需要明确了解生意所处环境，认清社会真正嘅需要，将社会因素加入自己生意策略上。」
Cally
社会创业论坛副主席黄英琦女士期望中小企能多认识CSV理念，发掘更务实嘅方案去达致互利共赢。
最Hit
宣萱上载「拖手相」官宣古天乐恋情？无预警甜蜜发图惹网民疯狂 本尊上水10字亲回应
2025-11-13 22:00 HKT
香港老板大赞厨师见工有诚意！港男「盛装」应征中厨 即场抛镬炒小菜 网民恭喜：尊重自己同工作
2025-11-13 16:00 HKT
更多文章
