胡慧冲 - 人生中的灯光 | 笔泰冲动
胡慧冲
2024-04-19 02:00 HKT
字體大小
点解忽然之间变咗咁佛系，变得咁玄？
话说泰国人去佛寺拜神拜佛，有时都会送上灯泡或者光管，原因就系希望透过这些灯泡和光管令到佛寺一片光明，寓意自己前景和人生都一片光明。
同样地人生之中灯光都好重要，尤其是我哋呢啲YouTuber拍嘢冇灯真系会死！江湖传闻当年郑少秋拍片，任何环境都一定会有私家灯影住自己个样。因为年纪开始大，冇足够嘅灯光惊吓亲人，所以话灯光系好重要！
之前有朋友替我做了一些制作，坚持话不用打灯，因为后期电脑可以「谷光」。佢讲得好啱，系谷光而唔系真系光，有打灯同后期谷光出嚟效果系两回事。老实讲，如果真系可以咁做，啲灯光师个个执包袱返屋企都得，灯光设备亦都唔再需要存在喺世上……
于是自己的起心肝买咗个机头灯，有咗机头灯真系好好多！唔单止观众睇得舒服，自己都睇得舒服。有时这些小器材真的值得投资，尤其一些商业制作，灯真系唔少得！灯光背后亦都感受到一样嘢，就系勉强冇幸福，唔好好地用灯，反而希望靠后期谷光呢啲等于勉强，勉强出嚟又点会好睇，点会有幸福呢？
所以无论喺宗教信仰上或者现实生活之中，灯光都系好重要，作为拍摄嘅工作灯光，更加系绝不能缺少。
胡慧冲
最Hit
屯门七旬翁帮朋友修理窗框 失足堕楼当场死亡
13小時前
洪天明承认周家蔚多次提离婚 流男儿泪指太太「可以得到更好」 自嘲冇吸引力惹飞来蜢
2025-11-14 11:00 HKT
宣萱上载「拖手相」官宣古天乐恋情？无预警甜蜜发图惹网民疯狂 本尊上水10字亲回应
2025-11-13 22:00 HKT
更多文章
