胡慧冲 - 何日再相逢 | 笔泰冲动
胡慧冲
2024-04-05 02:00 HKT
字體大小
刚刚回香港工作几日，主要系为出席4月6日荔枝角举行嘅泼水节活动，此外更加有个重要约会，就系4月1日晚上去咗睇许冠杰演唱会！
对于我来讲，许冠杰绝对系一个神，一个歌神！我经常同大家讲而家信咗神，神话畀我哋听「命里有时终须有，命里无时莫强求。」呢个系咩神？咪系歌神啰！表面上系一个「烂Gag」，但其实字里行间笑中有泪。今次睇许冠杰演唱会令我毕生难忘，毕竟我只系一个电视台旅游节目主持，唔系大明星亦唔系超级红人，但多谢阿Sam垂青，今次演唱会除咗可以畀我入去后台，让胡慧冲参见「令狐冲」揾佢影相签名之外，演唱会上更加喺同乐迷合唱时候畀支咪我，让我同佢合唱咗一段《沉默是金》。但更加重要嘅系，因为之前喺郑丹瑞《健康旦》节目中做过访问，要求阿Sam唱一首我好钟意，亦较为冷门嘅《何日再相逢》，估唔到今次佢真系找数，仲专登喺我面前唱呢首歌！更加估唔到原来大会安排咗摄影机影住我大头喺萤幕上播放，小弟因感情丰富，听到此曲顿时流泪，当众喊爆，真系样衰！冇谂过喺红馆众目睽睽之下竟然如此失礼，但呢啲感动同埋泪水都系发自内心，从来无法想像一个由细到大咁仰慕、咁喜欢嘅歌神，一个偶像会对自己咁好，可以喺面前献唱兼指定唱呢首歌畀我，实在太开心！当晚唔单止系与神接触，直头好似被神召唤！许冠杰嘅歌曲陪伴大家多年，除教晓我哋做人道理之外，亦都予人感觉超级亲民。
问到何日再相逢？希望明年、后年佢都继续开演唱会，咁我就可以继续支持，继续相逢。这位歌神，这个晚上，毕生难忘！
胡慧冲
最Hit
宣萱上载「拖手相」官宣古天乐恋情？无预警甜蜜发图惹网民疯狂 本尊上水10字亲回应
2025-11-13 22:00 HKT
香港老板大赞厨师见工有诚意！港男「盛装」应征中厨 即场抛镬炒小菜 网民恭喜：尊重自己同工作
2025-11-13 16:00 HKT
更多文章
