KellyChu - 任哲雕塑展传扬金庸侠义精神 | Executive日记
KellyChu
2024-03-16 02:00 HKT
字体大小
农历2月6日，即新历3月15日，系金庸诞辰100周年，为咗纪念呢位驰名全球嘅武侠小说家，获文化艺术盛事基金支持嘅「侠之大者 — 金庸百年诞辰纪念」，即日起分别喺中环爱丁堡广场同埋沙田香港文化博物馆举行，焦点系内地著名雕塑家任哲打造嘅一系列侠客金属雕塑。
每个雕塑有成6呎几高，重2吨，活现金庸笔下为国为民嘅侠义精神。Kelly问任哲点样雕出各侠客嘅神髓，佢话参考过电视剧、电影、动漫、漫画等，然后塑造自己心中侠客嘅现代形象，希望拉近年轻人同金庸小说之间嘅距离。
特首李家超昨出席开幕礼时指，香港系金庸武侠小说诞生嘅地方，其作品除咗成为香港文化嘅金漆招牌，更成为蜚声中外嘅文化现象，系说好中国故事嘅绝佳例子；纪念活动以「侠之大者」命名，正系希望大众，特别系年轻人，透过一系展览和文艺活动，感受侠义精神，领略中华文化。
文化艺术盛事委员会主席郑志刚表示，主办方会进一步把金庸嘅艺术创作推广到更多海外地方，展现香港文化软实力。
KellyChu
《神雕侠侣》小龙女及杨过。
最Hit
更多文章
