KellyChu - 何永贤夜访深水埗㓥房户有决心解决劣质居住环境 | Executive日记
KellyChu
2024-03-14 02:00 HKT
字体大小
房屋局局长何永贤周二晚联同财政司副司长黄伟纶，以及立法会议员郑泳舜、深水埗区议员刘佩玉，一齐到深水埗夜访㓥房户。何永贤话，佢哋探访嘅两个住户都住喺环境较差嘅分间单位，其中一个单位仲长期有老鼠出没，令佢哋更有决心要做好解决㓥房问题工作，强调会把握10个月嘅时间，针对唔符合最低标准嘅㓥房提出取缔方法。
去年《政施报告》公布成立「解决㓥房问题」工作组，由黄伟纶担任组长，何永贤担任副组长，工作组有10个月时间为㓥房居住环境设定最低标准及提出取缔方法。
两位组长到深水埗视察㓥房居住环境，其中一个住户系一位妈妈带住女儿，住喺一个厨厕合一嘅100呎㓥房；另一位独居伯伯就住喺40呎嘅板间房，要同其他人共用厨厕，单位内灯光昏暗，更长期有老鼠出没。何永贤指，虽然伯伯已获派公屋，但仍十分挂心其他住户。
4位喺探访期间，除咗关心㓥房租务管制嘅实施能否保护住户权益，亦积极介绍现有嘅过渡性房屋选择，及明年第一季起陆续落成嘅简约公屋，希望住户可以鼓起勇气为生活作出改变。
另外，昨日立法会议员洪雯在质询时指，有年轻人为排公屋而放弃工作，令唔想「躺平」嘅年轻人对社会失去希望。何永贤回应指，公屋设计并非鼓励年轻人一毕业就去排，建议年轻人应向置业阶梯更高点进行规划，又说「早排系唔会有咩着数」，更会限制其资产同埋收入。
KellyChu
其中一个单位嘅㓥房住户需要共用厨厕。
最Hit
更多文章
