KellyChu - 惊蛰「打小人」驱瘟神 鹅颈桥底「啪啪声」不绝｜Executive日记
KellyChu
2024-03-06 02:00 HKT
字体大小
昨日系廿四节气中嘅「惊蛰」，按传统习俗，唔少市民会「打小人」驱走瘟神。铜锣湾鹅颈桥天桥底都人山人海，小妹午饭时间贪过瘾去现场睇下，真系热闹到好似「趁墟」！现场「啪啪声」此起彼落，有市民甚至大排长龙2个钟打小人，都在所不惜。而高峰期有近200人喺桥底！唔少市民都话，希望打完小人后，事事顺利。
现场打小人收费50元一次，帮衬嘅男男女女，不乏青年，而为咗等候心仪小人婆，有市民甚至排队等两小时都在所不计。刘小姐去年首次打小人，今年再接再厉，「上年做完觉得事事顺利，今年再嚟，所求都系同上年一样，打咗小人，心情好啲，事事顺利。」
家庭主妇张女士则系今年首次打小人，「想所有嘢都顺顺利利啦，小朋友学业进步，呢几年有疫情，都系希望身体健康，事事顺利，因为要诚心，等几耐都要。」
KellyChu
更多文章
