Cally - 朗豪坊新年出奇招 邀黄德斌现身史高治叔叔金库 市民可于沉浸式金池打卡｜商界讲呢啲
Cally
2024-01-12 00:00 HKT
字體大小
新一年想祈求财源滚滚，与其借库，不如直接走入「金库」。由1月17日至2月25日，朗豪坊将会邀请迪士尼首富史高治叔叔首次担任大型装置嘅主角，喺《朗豪坊黄金宝藏FIND YOUR FORTUNE》带大家来一趟冲击视觉及感官嘅探险旅程，揭开其鸭堡金库嘅神秘面纱。CALLY仲知道今次朗豪坊邀请咗艺人黄德斌以探险及绅士造型现身，同史高治叔叔同场留下不少「黄金画面」！估唔到德斌同史高治叔叔睇落有几分相似，呢个宣传手法几有心思！
届时市民可以置身喺布满闪烁金币和珍贵珠宝嘅璀璨金池之中，仲有唔同嘅黄金宝藏等大家发掘；史高治叔叔亦会赠你「金石良言」，俾大家来年「DUCK星高照」，龙年有大好「钱」途。
同时，朗豪坊与人气玩具设计品牌URDU合作开设期间限定店，带嚟超过30款极具收藏价值嘅独家限量精品。为庆祝史高治叔叔嘅外甥唐老鸭诞生90周年并迎接农历新年，今次会推出三款全金色限定版嘅产品作独家发售，包括全球只有380只嘅URDU限量版金色唐老鸭7吋站姿公仔、金色唐老鸭30CM毛绒公仔，以及会场限定30只嘅唐老鸭盆景系列，由金光闪闪嘅唐老鸭捧住开运金桔与大家一同喜迎新年。
另外，今年朗豪坊嘅限量版「幸运夹万」贺年利是礼盒亦配合番「黄金宝藏」嘅主题。礼盒设计蕴藏巧思，以宝库为灵感，入面系璀璨「钻石」、闪烁「金币」及象征丰盛嘅「宝箱」利是封，破格大玩像素艺术风，令设计更显时尚及艺术感。
Cally
更多文章
