郭志仁 - 新年奇遇｜九宫格
郭志仁
2024-01-05 00:00 HKT
字體大小
究竟要几多巧合，才造就2024年这一次偶遇？新一年坏男人聚会，G先生急不及兴奋分享跟J小姐的相遇。
今个星期初假期后，G打算到湾仔某商业大厦取淘宝集运商品，刚巧另一半放假，她当天下午两时多到达，原来两点至三点是午饭时间，本来另一半打算四处逛逛到三点，不过G决定待自己放工才取货。
G当日五时左右到达商厦，打算进入电梯一刻才发现一位戴黑色运动帽身形高挑的女生在等候，G：「唔好意思唔知你等紧，你先。」G也礼貌地让她先取货。女生望见大约半个成年人高的集运商品颇为愕然，拉起来甚费力。G想帮手，但无奈要等自己的货品。
恰巧G离开时女生仍在等电梯，G便主动问：「使唔使帮手？」女生：「唔该你呀，不过我应该搞得掂。」女生老鼠拉龟，以身体顶住货物。到大堂G忍不住问：「你要拎去边？咁啱我有公司车，不如兜埋你过去？」女生知道自己难以处理，就一边多谢，一边与G把货物放入车尾箱。
车上寒暄几句，女生主动介绍自叫JEN，后来提及G公司，说着说着，女生突然望着G。
J：「你系咪X哥哥？我系明姨（G外母）朋友Paula个女呀！」
G：「吓，有冇咁啱呀！你戴住帽完全认唔到你呀！」
J：「好黐线呀，点会咁都撞到！」
两人甚兴奋，不断重复最多都是「有冇咁啱呀！」
J：「你知唔知，我今日两点几嚟过一次，冇开门先返屋企瞓一阵，扎醒已经五点，就即刻落楼……」
坏男群组结论是：「好彩你当日真系一片好心，如果有少少心动，抄佢牌约饮咖啡，你就大件事……」2024，做好人，一定有好报。
「不须解释长篇（Reunite），天生应该乐天（Reunite）」。郭富城——想见便遇见。
郭志仁
最Hit
更多文章
