Cally - 东海堂新推联乘贺年礼品迎新春｜商界讲呢啲
Cally
2023-12-30 00:00 HKT
字體大小
圣诞节啱啱过咗，农历新年话咁快就到，又系时候准备入手贺年礼品送礼嘞。东海堂今年与日本著名人气插画家霜田有沙再度合作，联手推出「东海堂×霜田有沙蛋卷礼盒」，香浓嘅原味蛋卷喺超萌嘅猫猫及桃红色背景衬托下，凸显出新春嘅喜庆气氛，爱猫之人更加系百看不厌。另亦可以考虑「SPY×FAMILY间谍家家酒｜东海堂礼盒」，礼盒分别以洛伊德．安妮亚及大型犬彭德为设计蓝本，入面系北海道3.6牛乳曲奇同埋原味杏仁条两款烘焙小食，礼盒仲可以当手提行李箱用O添。依家凭礼券换领或购买现货可以换购双面设计嘅可爱环保袋，送俾年轻嘅亲友啱晒。长辈嘅话可以拣啲较传统嘅礼盒，例如严选日本优质食材，并糅合现代职人制饼技艺，制作出多款贺年新品礼盒，包括由北海道元贝萝卜糕和椰味香浓嘅椰汁年糕配搭而成嘅「贺正迎春年糕礼盒」、蛋香浓郁嘅「原味牛油蛋卷」、糅合原味细蛋卷、牛油及咖啡味曲奇嘅「花礼双层礼盒」，以及由焦香嘅杏仁条和松脆嘅甜心酥合拼而成嘅「和式花海礼盒」，令呢个新年嘅贺年美食唔再单调。
*汇丰7折价至2024年2月4日，特价及会员价至2024年2月10日。
Cally
最Hit
更多文章
