Cally - 「蝶舞花飞」与「环游星河」 呈现魔幻灯光世界｜商界讲呢啲
Cally
2023-12-13 00:00 HKT
字體大小
之前都同大家介绍过「2023幻彩耀濠江」几个区嘅主题，今次为大家介绍嘅南湾区「蝶舞花飞」及新口岸填海区嘅「环游星河」，带大家进入魔幻嘅灯光世界。由即日起至明年2月25日，「蝶舞花飞」打造成五光十色嘅彩灯乐园，带您走进梦幻嘅蝶舞与花海之中，好似南湾‧雅文湖畔特别将蝴蝶翅膀展成花形，与中央旋转灯球相连，打造出壮丽嘅「美蝶许愿球」。走入连接南湾湖水上活动中心嘅长廊，仲可以感受到「步步飞花」由园艺师带嚟嘅奇妙互动惊喜。新口岸填海区嘅「环游星河」则以炫目迷人嘅光影投射照亮全城，好似宋玉生广场嘅「如影随行」以开放式嘅流畅线条与整体极简空间融为一体，而澳门科学馆前地嘅光雕表演「探索幻彩之旅」带你进入一个充满刺激和惊喜嘅奇境，乘坐过山车、摩天轮、旋转木马和热气球，享受住刺激嘅游乐设施。呢度每个景点都咁靓，又点可以错过！
网址：lum.macaotourism.gov.mo
Cally
更多文章
