Cally - 三大商场圣诞装置轮流上场 大猫卡通吸人流 户外溜冰气氛好｜商界讲呢啲
今个圣诞，三大商场分别推出唔同主题嘅圣诞装置，仲准备咗精彩嘅活动同购物奖赏，俾大家满载而归。
荃湾广场×「橘猫重重『大』玩圣诞节」
荃湾广场请嚟以一身肥肉以及厌世脸风靡全台湾嘅爆红猫明星「橘猫重重」首次登陆香港，由即日起至明年1月1日，喺商场L5 PLAY GARDEN设有9大人气打卡位，其中3米高超巨型「橘猫重重」立体装置曾经喺台湾风靡一时，相当壮观！另外，亦设有以毛冷球概念设计「暖暖织园」、20米长嘅「喵星打卡墙」，以及数码互动圣诞游戏，营造出可爱又温暖嘅冬日氛围，俾大家沉浸喺猫咪世界当中。
荃湾广场仲特设VIP尊属摄影区、慈善零距离拍照限定体验及打卡有赏等三「大」惊喜，以及圣诞舞动汇演及圣诞喵喵手作坊等以满足所有猫奴。另外仲将会推出冬日消费双重赏、Log On限定礼品森林及「白纸市集」等等迎接圣诞。
黄埔天地【Mr. Men Little Miss – Winter WhampoaLand】
黄埔天地则联同羚邦集团代理呈献【Mr. Men Little Miss – Winter WhampoaLand】，由即日起至明年1月1日，一众有趣又疗愈嘅主角如Mr. Strong、Mr. Tall、Little Miss Hug以及Little Miss Sunshine等会聚集喺黄埔天地，以绚烂华灯设置打卡场景，分别有梦幻又欢乐嘅「Mr. Men Little Miss – Winter WhampoaLand」嘉年华，以及充满童趣嘅「Mr. Men Little Miss – POP-UP Music Book」，以佢哋经典嘅笑脸来点开大家嘅笑穴。
由12月起Mr. Men Little Miss亦会同大家一起玩捉迷藏，黄埔天地VIP会员喺活动期间登入活动网页，就可以睇到一众角色嘅隐藏位置，以手机扫描呢啲角色上面嘅QR Code满指定数量，并喺场内以电子货币单一消费满$100或以上，就可以换领精美礼品，数量有限，先到先得！
新都会广场「梦幻冬日雪之国」
葵芳新都会广场由即日起至明年1月1日举行「梦幻冬日雪之国」，为大家带来合家欢嘅新界西首个户外溜冰场，将美式圣诞气氛带嚟香港，而且仲有3大打卡热点，包括「7米高巨型圣诞树」、「Bling雪玻璃球」及「幻彩水晶球」，打造梦幻冰雪国度。喺飘雪仙境下，可以影番张靓相留下难忘回忆。
圣诞老人亦会喺指定时间亲临充满仪式感嘅闪亮树屋，同大家会面并拍照留念。另外，12月商场仲会举行「冬日雪．祭」圣诞美食手作市集，搜罗超过50个唔同类型嘅人气品牌摊档进驻周末圣诞市集，俾大家选购手作礼品及品尝圣诞必备嘅应节食物同饮品。
Cally
