Cally - 恒隆＋女青「智爱无垠」认知友善计划 第三年举办社区共融日 提供免费健脑咨询及认知检测｜商界讲呢啲
Cally
2023-11-03 00:00 HKT
字体大小
本港认知障碍症患者人数每年攀升，更有年轻化嘅趋势，但系社会大众对于患者仍存在好多误解。为咗推广认知友善，恒隆地产连续第三年与香港基督教女青年会（「女青」）合办《恒隆＋女青「智爱无垠」认知友善计划——社区共融日》，11月4至5日喺淘大商场提供健脑咨询及认知检测站，免费为长者做认知测试及介绍社区资源，并为有需要人士提供转介服务，同场亦会展出由认知障碍症长者与照顾者及义工一齐创作嘅艺术品。社区共融日亦会喺11月11至12日移师康怡广场，进一步喺社区内推广及早检测同认知友善。关心身边长者认知状况嘅你，记得推介俾老友记参与！
今年嘅社区共融日以「遨游飞翔」为主题，将会展出由认知障碍症患者、照顾者同埋义工创作嘅纸鹞，衬埋香港著名景点嘅城市景貌，表达认知障碍症患者喺获得支援后就可以自由自在咁喺社区生活。场内设有「认知友善艺术廊」，围绕衣食住行主题，展出由认知障碍症患者同照顾者创作嘅黏土点心、蓝晒摆设、纾压画等艺术作品，俾公众人士欣赏患者嘅创作能力，同埋唤起公众对照顾者身心健康嘅关注。活动启动礼当日，除咗有照顾者亲身分享照顾认知障碍症患者嘅生活点滴，更会邀请《大银》总监陈晓蕾女士分享社区对照顾者提供各方面嘅资源与支援。另外，淘大商场及康怡广场嘅指定商户更会于活动期间推出长者消费优惠，鼓励长者保持活跃。咁有意义嘅活动，相信会吸引好多社区人士参与。
Cally
最Hit
长者乘车优惠明年4月收紧！长者群组热议「两蚊两折」点样计? 每月限搭240程？北上深圳贵好多？
2025-12-12 17:51 HKT
芬兰小姐分享瞇眼照涉辱华 遭主办单位摘除后冠
14小時前
港人重返职场做满1年额外「收政府$2万支票」 附2大中年再就业/求职津贴申请方法
2025-12-12 17:26 HKT
更多文章
