Cally - 张文新、车淑梅为公益筹款 办「40.70.100」慈善聚餐|商界讲呢啲

临近年尾,差唔多个个星期有饮宴!早几日喺沙田马会会所,就有个喜庆场合获得城中各行业翘楚精英、政商及传播名人齐齐撑场,原来系香港电台前助理广播处长张文新及资深传媒人车淑梅筹组嘅「40.70.100」慈善聚餐,系纪念二人结婚40载、行年70岁、入行100年嘅大事!同时为公益团体「义务工作发展局」及「寰宇希望」筹款,支持SEN儿童同长者服务,极有意义。

淑梅姐喺席上分享婚姻甜蜜40载嘅点滴,回想1981年二人第一次拍拖系去睇电影《法国中尉的女人》,而家新哥已够资格攞拿「生果金」,但佢仍活力十足,每星期去游水及打高尔夫球,仲有为不同机构担任顾问工作,为慈善及为本地乐坛忙做义务小兵。点知淑梅姐比新哥更早入行:「第一次播音系1967年《空中小园地》,邓慧娴女士系我第一个伯乐。」而家姐车森梅亦有鼓励佢。新哥就1973年加入香港电台公共事务组,做《十大金曲》总策划及台长之前,做过记者及助导,二人一共喺广播道打滚超过100年,绝对系播音界嘅模范夫妻。

Cally

■今次慈善午宴得到二人嘅家人及朋友支持,但筹备期间好担心座位有限,未能将各方好友全数邀请,只好透过传媒向友好表示感谢,相信大家会理解。
■今次慈善午宴得到二人嘅家人及朋友支持,但筹备期间好担心座位有限,未能将各方好友全数邀请,只好透过传媒向友好表示感谢,相信大家会理解。
更多文章