Cally - Chill住叹嘅日式居酒屋｜商界讲呢啲
Cally
2023-10-20 00:00 HKT
字体大小
平时放工经过将军澳海天晋汇，留意到一间好有特色嘅日式串烧居酒屋，环境几吸引。餐厅入面好阔落，食客唔会背贴背、枱贴枱，场内更有飞镖机及桌球枱等，好适合三五知己放工后Happy Hour食住串烧倾八卦嘢。
呢间日式居酒屋而家有个优惠二人餐，性价比相当高。套餐内容丰富，包括有高汤煮大根，味道清甜不苦涩；又有我最爱嘅豚肉荔枝卷，豚肉多汁配上鲜甜荔枝，荔枝可解豚肉油脂，好啱又爱Juicy美食又怕油腻嘅我。鲜冬菇串烧，烧得恰到好处，菇香十足。牛舌芯串亦好精彩，牛舌烧烤后风味被锁紧，香浓Q弹。烧鸡中翼串，外脆内嫩好惹味。月见免治鸡肉棒，香烤鸡肉配上无菌蛋及店家自制酱料，完美组合。花鱼一夜干，外皮香脆而且肉滑入味。烧鳕鱼棒，火候刚好，鱼肉嫩滑。
广岛吉列生蚝，炸到脆而不油，蚝肉鲜甜肥美。和风牛肉炒饭，粒粒分明而且有浓浓牛肉香。最后作结嘅餐后甜品系日本绿茶蕨饼，口感烟韧又唔会过甜，配返杯调酒师精心调制嘅Mocktail，食完呢餐好似去咗东京咁满足。
形Katachi Bar & Kushiyaki
查询：9123 0821
Cally
更多文章
