KellyChu - 边跑步边睇靓景 劲chill 首届中银港珠澳桥半马11.19起跑｜Executive日记
KellyChu
2023-10-19 00:00 HKT
字體大小
各位跑友注意喇！由「中银香港」赞助、中国香港田径总会主办嘅首届「中银香港港珠澳大桥半马」，将会喺11月19日嘅星期日举行。今次半马赛事嘅路程约为21.1公里，限时2.5小时，喺港珠澳大桥通车后，首个举办嘅体育盛事，参赛者可以边跑边欣赏大桥沿途景色，真系好chill！
赛事启动礼昨日举行（见图），艺人黎诺懿、杨偲泳、剑击运动员朱嘉望、前香港花式溜冰代表队成员马晓晴、长跑运动员郑文皓等都有出席。今次赛事集合点系亚洲国际博览馆，起点就喺港珠澳大桥香港口岸，跑手起跑后，沿港珠澳大桥前进至香港段约10.5公里处折返，之后再跑返香港口岸终点。
香港青年（U20）半马拉松纪录保持者郑文皓仲现场分享自己赛前嘅备战心得，话除咗要分阶段训练体能，仲要及时补充营养。
刚喺杭州亚运女子重剑团体赛中夺得银牌、有心理学专业背景嘅朱嘉望，就认为赛前调理好心态很重要！
Kelly Chu
更多文章
