KellyChu - 见死必救真英雄 钓鱼郎冲浪男勇救翻艇汉｜Executive日记
KellyChu
2023-10-18 00:00 HKT
字體大小
日常中见伟大，今日小妹就同大家分享一件暖心嘅好人好事！珀丽湾码头上个星期日有一个60岁男子遇溺，佢划独木舟唔小心翻艇，虽然成功游岸边，但之后又游出海执拾失物，怀疑体力不继遇溺。但好彩，喺附近钓鱼同冲浪嘅两名男子见到，二话不说合力将佢救起。救人片段曝光后，网民大赞：「真英雄」、「向所有救人英雄致敬」！
片段可见（见图），事主遇溺后，面部朝下喺水面漂浮。经过嘅钓鱼男子多次高呼「老友、老友」，见对方毫无反应，于是亲自下水，将佢拉上独木舟，并惊喜大叫：「仲有气呀，仲有气」；由于无法独力带他上岸，钓鱼男子又向四周呼叫：「救命呀、救命呀！」正在冲浪嘅男子听到，马上赶到，合力将事主救上沙滩，并报警求助。最后消防赶到急救，并安排直升机送院救治。真系好险，小妹都向呢两位无名英雄致敬！
Kelly Chu
更多文章
