Jacky哥 - 恒生撑公益金便服日 漫画风海报吁支持儿童保护及福利服务｜企业热话
李飞帆
2023-10-17 00:00 HKT
字体大小
一年一度嘅「公益金便服日」即将喺10月30日举行，今年嘅主题系「Wear Your Moment」。便服日一直深受港人欢迎，可谓系一个别具意义嘅慈善活动。眨下眼，原来呢个慈善活动今年已经踏入30周年。为咗提升及加强社会对保护儿童的意识，大会今年特别将筹得之善款全数资助提供儿童保护及福利服务嘅公益金会员机构。恒生银行一向都好支持社区公益活动，今次亦都唔例外。Jacky哥听闻恒生银行执行董事兼行政总裁施颖茵Diana今年就率先换上一身型格轻装，同一众MT及员工子女影咗一辑以「Our Moments of Joy」为题的海报相，鼓励员工一齐响应便服日，齐心支持儿童保护及福利服务。今次嘅海报设计亦好有心思，用上大家都好钟意嘅漫画风格，Diana同参与拍摄嘅同事及小朋友手持嘅道具都系佢哋儿时最钟意嘅食物或者玩具，并且急不及待互相分享，成个充满欢乐嘅儿童乐园咁，够哂童真。
恒生今年亦一如以往会将同事嘅捐款作一对一配对，以帮助社会上更多有需要的儿童及家庭，令他们得到全面发展。原来今年已经系恒生连续第26年成为便服日嘅钻石赞助机构，多年来为活动筹得超过港币3,000万元，尽显该行上下为善不甘后人嘅传统。
Jacky哥
最Hit
爱回家2.0︱广东25年长寿剧《外来媳妇本地郎》大结局 网民：重头再睇
2025-12-08 16:19 HKT
马鞍山$84霸王餐照出两种人格！收据已付钱老板仍全网追数 真相竟藏大洋葱｜Juicy叮
2025-12-09 10:27 HKT
独家猛料│周俊乐周三为外父补中？
20小時前
更多文章
