KellyChu - 开心指沙头角将进一步开放 邓炳强荣升外父 恨做公公｜Executive日记
KellyChu
2023-10-11 00:00 HKT
字体大小
Kelly前晚出席活动，碰见保安局局长邓炳强，炳强哥兴致勃勃同小妹透露，话之前右眼感染发炎，差唔多好返喇！最近佢仲有两件开心事想分享，到底系乜事令局长咁开心呢？其中一件，系佢荣升外父啦。
原来佢上星期六（7日）嫁女，之前仲难得休假几日办喜事，期间由副局长卓孝业署理保安局长嘅职务。小妹即刻恭喜佢，戥佢开心！大家都知局长同太太好恩爱，好多活动都拖住手仔一齐出席，sweet到爆。局长同女儿关系好亲密，佢之前透露，2006年至2008年借调法国里昂国际刑警秘书处𠮶阵，当时得11岁嘅女，就同自己一齐到法国升学，由于太太冇随行，所以两父女喺异地享天伦乐。之前讲到个女长大、谈恋爱，局长就笑住话：「哎……早啲结婚，畀我做公公，我都会好开心㗎」。
另一件喜事，局长话，系该局计划明年初启动沙头角禁区第二期开放计划，到时市民可以游览中英街以外沙头角所有地方。佢话，沙头角虽然系一个小地点，但相信会有好多人去，加上疫后好多店舖开门营业，「大家到时一定会睇到好多好嘢」。
Kelly Chu
最Hit
港女到九龙豪宅「擎天半岛」补习经历 4事见尽贫富鸿沟「好似沟渠老鼠偷窥别人幸福」 网民共鸣：选择大于努力
2026-01-02 15:09 HKT
研究揭这运动每日做2分钟 肚腩3个月后消失 内脏脂肪大减13%
2026-01-01 16:05 HKT
新年1亿金多宝｜新手两年7中六合彩 自爆厕所落注独门心得：要去ＸＸ厕所｜Juicy叮
2026-01-02 11:34 HKT
更多文章
