Cally - 中秋国庆连假聚会新发现 潮玩「百搭红中」｜商界讲呢啲
Cally
2023-10-05 00:00 HKT
字体大小
上星期中秋及国庆连日假期，本想跟热潮返深圳或广州玩几日，点知睇Facebook啲相片分享，各个过关口岸都人头涌涌，唯有打消念头啦！
于是，亲友间就一于响应夜缤纷，到小妹屋企饮饮食食兼且通宵「游干水」。玩落先知原来依家潮兴玩「百搭红中」，系内地湖南常德麻将嘅一种，喺广东叫「鬼」或者「红中变」，近年红遍内地大小城市，家家户户都打「红中」。
玩法好简单，红中系百变可以代替任何一张牌，但只可以自摸食糊，唔可以打出食糊，可碰可杠但唔上牌，自摸再奖码，呢个玩法可以加快食糊机会，增强刺激性。由于小妹啱啱学，自然乌龙百出，劲多笑料，开开心心又过一晚。亲友话斋，香港人生活压力真系好大，有时真系要揾啲有趣娱乐俾自己开心下，大家下次同亲友欢聚都不妨试试。
Cally
更多文章
