KellyChu - 佐藤健大赞港式汤水 明祯行金鱼街宣传香港魅力｜Executive日记
KellyChu
2023-09-25 00:00 HKT
字體大小
旅发局继续宣传香港嘅独特魅力，今次就揾嚟全球各地多位艺人来港拍片，包括出演《First Love 初恋》嘅日剧男神佐藤健、荷里活知名影星、《我的超豪男友》男主角亨利高汀（Henry Golding）、大马「女神」林明祯、有「国民初恋男」、「浪漫匠人」之称嘅南韩人气演员丁海寅，真系星光熠熠！佐藤健仲透露，原来最钟意饮港式汤水，仲忍唔住用粤语大赞：「好味！」
佐藤健早前嚟港出席公开活动之余，仲喺旅发局安排下，到中环米芝莲三星中餐馆，品尝粤菜晚餐。佢一边食、一边欣赏维港美景，仲透露自己好钟意港式汤水，而且好食到用粤语大赞：「好味！」；男神之后又到今年「亚洲50最佳酒吧」榜上有名嘅香港酒吧，品尝特色鸡尾酒。作为狂热嘅艺术爱好者嘅佢，又到M+感受当代视觉文化。佢话：「全球没有一个地方像香港一样，能拥有自己独特的文化。如果我再和朋友去香港旅游，一定会带他们来。」
Henry Golding虽然只系快闪香港24小时，但仍不忘到访中环特色酒吧，饮一杯美酒；女神林明祯就行旺角金鱼街，同传统排档嘅庙街夜市，感受香港多元地道文化 ；丁海寅坐咗香港摩天轮，又到天台酒吧，欣赏摩天高楼林立同璀璨灯火。
另外，为响应政府推动夜经济，多个夜市已经揭幕喇。星光大道同K11 MUSEA喺尖沙咀合办嘅「星光夜市」，上星期首个周五及六晚人来人往，大获市民好评。大家今个周五、六晚记得继续到场支持！
Kelly Chu
更多文章
