KellyChu - 「港岛无人机足球大赛」开锣 一哥盼善用创新技术服务市民｜Executive日记
KellyChu
2023-09-11 00:00 HKT
字體大小
万众期待嘅「港岛无人机足球大赛」昨日举行，到场主礼嘅警务处处长萧泽颐就话，自己都系一个足球迷，冇谂过波可以用无人机去踢。佢又话，其实警方一直致力透过创新技术服务市民，例如水警就用无人机执行搜救任务，希望青少年多了解警队工作，甚至日后加入政府，一齐服务市民。
港岛总区防止罪案办公室昨午举行「港岛无人机足球大赛暨总区抖音帐号开展礼」，萧泽颐致辞𠮶阵就透露，自己都系一个足球迷，但冇谂过原来波可以用无人机去踢。而纪律部队亦一直致力透过创新科技，为市民提供更卓越、更快捷嘅服务。
佢举例话，水警总区嘅同事昨日就喺现场摆设摊位，讲解警察点运用无人机，喺偏僻岛屿同海面协助搜索、救援工作。而消防处代表亦喺现场介绍，点用无人机，喺大型火灾或事故现场作高空视察，协助即场进行风险评估，制定灭火或救援策略。
一哥希望，各青少年朋友对警方工作有更多了解，透过活动有更多启发，甚至长大后加入政府行列，一同保障市民嘅生命财产安全。
昨日活动好丰富，各位大小朋友除咗可以亲身体验刺激嘅「无人机足球比赛」，亦可以到警队摆设嘅摊位玩游戏。另外，大会亦请到香港区竞速无人机冠军机手何永志等人，到场表演无人机飞行。
Kelly Chu
最Hit
35岁「多仔婆」女星罕谈性生活尺度惊人 大爆富商男友床上尴尬表现 自揭床事频繁非自愿
2025-11-15 10:00 HKT
TVB「未来视后」惊爆患病需中西合璧治疗 穿酒店拖鞋游街面壁行为怪异 曾自揭患惊恐症
2025-11-15 09:00 HKT
油麻地烘焙店变「面包界Hermès」？入店前先排队再「逐个放人入去」 网民猜测1原因咁做
2025-11-14 15:15 HKT
更多文章
