KellyChu - 消防处：吸取经验调整训练策略 港搜救犬赴土耳其救援功不可没｜Executive日记
KellyChu
2023-08-14 00:00 HKT
字體大小
消防处依家有6只搜救犬，都系领犬员嘅最佳拍档。而大家熟悉嘅Umi同Twix，唔单止cute，仲非常之神勇，今年2月远赴土耳其地震灾区救援，同领犬员陈柱匡和蒋天朗合作无间，表现出色（见图）。消防处就话，吸取咗今次宝贵嘅海外搜救经验，搜救犬队会调整训练策略，例如强化干扰训练，喺搜救练习加入播放动物、重型机器等声音，等狗狗执行任务𠮶阵可以更加专注。
另外，消防处搜救犬队7月亦去咗云南昆明搜救犬基地交流，了解到内地会专门培训针对唔同任务嘅搜救犬，搜救犬嘅品种亦好多元。处方觉得此行获益良多，好多地方值得借镜学习。所以喺未来嘅发展，搜救犬队期望从唔同渠道增加搜救犬数量，例如引入更多唔同品种嘅搜救犬、发展专门针对瓦砾搜索或山野嘅搜救犬等，亦希望同唔同纪律部队繁殖更多工作犬，从小开始培育同训练，发掘切合香港嘅搜索模式！
Kelly Chu
更多文章
