Cally - 新城市广场「独角兽狂想曲」 波波池、放泡泡吸打卡家庭客｜商界讲呢啲
Cally
2023-07-21 10:37 HKT
字体大小
讲到夏天第一时间梗系联想到阳光与海滩，但想去玩又唔想俾猛烈嘅阳光晒？咁就可以去新城市广场啦！由即日起至8月20日，新城市广场呈献「独角兽狂想曲」，大家可以凉住冷气，同独角兽喺海滩「畅泳」、一边开沙滩派对。
商场一期3楼变身成为占地近3,000呎嘅沙滩，穿过糖果色嘅彩虹拱门就嚟到高达5米嘅独角兽巨型吹气波波池，绝对系小朋友至爱。旁边仲有另一只巨型独角兽泡在水池消暑，加上沙滩椅及太阳伞，令呢个「独角兽阳光沙滩」充满夏日气色。另外，喺3楼户外平台每半个钟都会上演梦幻泡泡大放送，漫天泡泡底下，5米及2米高嘅萌萌大小独角兽就好似去咗仙境咁。
3期3楼仲有「人鱼萌兽同『游』戏」，可以见到美人鱼同小独角兽一齐玩。1期UB层嘅Play Park入面同3期2楼分别设有独角兽主题嘅弹珠机同钓钓乐游戏等，保证小朋友可以玩得尽兴！
为配合独角兽主题，新城市广场联同多个Play Park商户特别推出多个以独角兽为题嘅工作坊，顾客可于活动期间以独家优惠价参加。另外，新城市广场亦准备咗Play Park电子礼券礼遇，由7月22日起至8月31日，喺Play Park任何商户消费满$300，或者喺新城市广场任何商户消费满$500，就可以获得Yum Me Play或Play Park $50电子礼券1张。
Cally
最Hit
更多文章
