KellyChu - 派礼物爱心糭 大玩扒龙舟钓糭游戏乐融融 香港各界扶贫促进会邀200基层贺端阳｜Executive日记
KellyChu
2023-06-12 00:00 HKT
字體大小
俗语话：「未食五月糭，寒衣未入栊」，近日天气炎热，大家都感受到端午节临近。为咗同更多市民分享节日气氛，香港各界扶贫促进会喺刚过去嘅周末，喺大角咀一间幼稚园内举办咗「乐在社区关爱行动－各界凝聚爱在端午」活动，邀请油尖旺区内200名来自基层家庭嘅小朋友同家长参与。小朋友参与摊位游戏后，仲获得促进会捐赠嘅礼物及爱心糭。有幼稚园嘅校监更透露，今次系疫情后首次开放校园，同区内居民一起过节，感到十分高兴。
现场设有三个与端午节相关嘅摊位游戏，包括钓糭、用纸扇「扒」龙舟，及投篮活动，家长可与子女比并，不少人玩得好高兴。活动亦请来香港各界扶贫促进会会长兼召集人、星岛新闻集团主席蔡加赞，以及社区关爱大使邝洁楹主礼，二人更亲自向现场出席嘅小朋友派发礼品，包括玩具、文具以及糭，好多小朋友拿到之后即场拆开，又开心同他人介绍唔同礼物，更有人高举爱心糭，心情愉快，小朋友收到礼物𠮶阵，仲会怕丑咁讲声多谢，然后拖住家长蹦蹦跳回家。
今次借出场地嘅启文幼稚园暨幼儿园校监徐兆儿就话，活动准备咗三星期，早前同校园老师商讨𠮶阵，希望藉游戏教育小朋友有关端午节嘅文化，亦因获邀者年龄由3至12岁都有，会考虑佢哋嘅体力去设计。佢续称，疫情期间，基层家庭常困喺屋企，尤其居于㓥房嘅家庭更辛苦，冇太多地方走动，今次终于可以开放校园，希望继之前派防疫物资后，再为佢哋举办活动，令佢哋可以「又食又拎仲有得玩」，了解中国传统文化嘅同时，亦可同邻里间建立良好关系。
Kelly Chu
■星岛新闻集团主席蔡加赞与社区关爱大使邝洁楹为活动主礼。
现场设有三个与端午节相关嘅摊位游戏，包括钓糭、用纸扇「扒」龙舟，及投篮活动，家长可与子女比并，不少人玩得好高兴。活动亦请来香港各界扶贫促进会会长兼召集人、星岛新闻集团主席蔡加赞，以及社区关爱大使邝洁楹主礼，二人更亲自向现场出席嘅小朋友派发礼品，包括玩具、文具以及糭，好多小朋友拿到之后即场拆开，又开心同他人介绍唔同礼物，更有人高举爱心糭，心情愉快，小朋友收到礼物𠮶阵，仲会怕丑咁讲声多谢，然后拖住家长蹦蹦跳回家。
今次借出场地嘅启文幼稚园暨幼儿园校监徐兆儿就话，活动准备咗三星期，早前同校园老师商讨𠮶阵，希望藉游戏教育小朋友有关端午节嘅文化，亦因获邀者年龄由3至12岁都有，会考虑佢哋嘅体力去设计。佢续称，疫情期间，基层家庭常困喺屋企，尤其居于㓥房嘅家庭更辛苦，冇太多地方走动，今次终于可以开放校园，希望继之前派防疫物资后，再为佢哋举办活动，令佢哋可以「又食又拎仲有得玩」，了解中国传统文化嘅同时，亦可同邻里间建立良好关系。
Kelly Chu
最Hit
更多文章
