Jacky哥 - 百多年前一场挑战，煤气公司转危为机？｜企业热话
李飞帆
2022-12-19 00:00 HKT
字体大小
同身边不少公司企业的管理层见面，慨叹世界变得咁快，一个唔觉意随时飞来横祸，令到成间公司冇咗！煤气公司企业ESG总监杨松坤（Isaac）就跟我分享，煤气公司喺应对危机方面嘅经验，包括一次死过番生嘅故事，好值得同大众分享。
煤气时代差啲要结束？
1862年煤气公司成立之初，当时公司得到香港政府授权，可以提供照明服务，500盏煤气灯一夜间成为中环一带最劲嘅光源，点亮香港，逐渐取代油灯。但好景不常，20年后电力照明出现，严重威胁煤气灯嘅地位。
但煤气公司绝处逢生，转而开拓「煤气明火煮食」同「供热」市场，杀出一条血路。经此一役，煤气公司上下都明白到「变幻才是永恒」，任何时候都应该未雨绸缪，与时并进，做好准备。时至今日，同样嘅逻辑话比公司知，要发展和扩展业务，ESG（Environmental, Social and Governance）系至关重要。
气候变化，随时令公司一夜蒸发？
全球暖化愈嚟愈严重，Isaac记得2017、2018年时，加州天气比以前更干燥，有电缆被强风吹冧，搞到短路走火，迅速酿成森林大火，仲令到电力公司太平洋瓦电因为损失过大而宣布破产。所以话，气候剧变其实真系有可能间接导致一间公司倒闭。
早喺10年前，Isaac喺北京举办咗个「企业社会责任高峰论坛」，发布燃气业务嘅企业社会责任报告范本比内地嘅合资企业参考，鼓励大家重视ESG，所以之后果年大家就每年都会发表报告汇报自己公司嘅相关情况。近期Isaac亦为咗方便各部门交数同设立目标，整合咗六大ESG评级机构报告嘅要求，令到所有ESG准则一目了然。为咗推动各界共同协作，煤气公司喺上月举办「ESG高峰论坛」，一次过集中讨论环境、社会同管治三方面，希望带动上下游一齐做好ESG。
煤气大埔厂房有机会水浸？
煤气公司唔止关注气候变化，仲关心生物多样性，早前发布咗一份《气候相关及自然相关指导文件》，成为全港首第一家就TNFD（自然相关财务披露）发布指导文件嘅企业。煤气公司筛选出有可能受气候变化影响嘅厂房之后，会做个初步评估，辨别潜在风险。另外又会列出研究数据说明点样应对同气候相关嘅风险。例如如果因为水位上升同恶劣天气而水浸，煤气公司大埔厂房都浸埋，咁会有几多损失，又会点样去应对呢个危机。
Isaac表示佢要时刻留意住全球嘅ESG趋势，提前帮公司制订应对方案，同埋与各个部门携手合作，等公司唔单止喺气候变化同生物多样性议题上防患于未然，更重要系喺环境工作同良好管治上都不断进步，愈做愈好。
Jacky哥
能源百科
面书专页
煤气时代差啲要结束？
1862年煤气公司成立之初，当时公司得到香港政府授权，可以提供照明服务，500盏煤气灯一夜间成为中环一带最劲嘅光源，点亮香港，逐渐取代油灯。但好景不常，20年后电力照明出现，严重威胁煤气灯嘅地位。
但煤气公司绝处逢生，转而开拓「煤气明火煮食」同「供热」市场，杀出一条血路。经此一役，煤气公司上下都明白到「变幻才是永恒」，任何时候都应该未雨绸缪，与时并进，做好准备。时至今日，同样嘅逻辑话比公司知，要发展和扩展业务，ESG（Environmental, Social and Governance）系至关重要。
气候变化，随时令公司一夜蒸发？
全球暖化愈嚟愈严重，Isaac记得2017、2018年时，加州天气比以前更干燥，有电缆被强风吹冧，搞到短路走火，迅速酿成森林大火，仲令到电力公司太平洋瓦电因为损失过大而宣布破产。所以话，气候剧变其实真系有可能间接导致一间公司倒闭。
早喺10年前，Isaac喺北京举办咗个「企业社会责任高峰论坛」，发布燃气业务嘅企业社会责任报告范本比内地嘅合资企业参考，鼓励大家重视ESG，所以之后果年大家就每年都会发表报告汇报自己公司嘅相关情况。近期Isaac亦为咗方便各部门交数同设立目标，整合咗六大ESG评级机构报告嘅要求，令到所有ESG准则一目了然。为咗推动各界共同协作，煤气公司喺上月举办「ESG高峰论坛」，一次过集中讨论环境、社会同管治三方面，希望带动上下游一齐做好ESG。
煤气大埔厂房有机会水浸？
煤气公司唔止关注气候变化，仲关心生物多样性，早前发布咗一份《气候相关及自然相关指导文件》，成为全港首第一家就TNFD（自然相关财务披露）发布指导文件嘅企业。煤气公司筛选出有可能受气候变化影响嘅厂房之后，会做个初步评估，辨别潜在风险。另外又会列出研究数据说明点样应对同气候相关嘅风险。例如如果因为水位上升同恶劣天气而水浸，煤气公司大埔厂房都浸埋，咁会有几多损失，又会点样去应对呢个危机。
Isaac表示佢要时刻留意住全球嘅ESG趋势，提前帮公司制订应对方案，同埋与各个部门携手合作，等公司唔单止喺气候变化同生物多样性议题上防患于未然，更重要系喺环境工作同良好管治上都不断进步，愈做愈好。
Jacky哥
更多文章
