KellyChu - 参展商大赞特首随和 李家超撑工展会 花2700元扫货刺激经济｜Executive日记
KellyChu
2022-12-10 00:00 HKT
字体大小
特首李家超寻日到维园主持一年一度嘅工展会开幕，一场嚟到，自然唔少得买啲嘢。期间佢就花咗二千七百几蚊，买咗冬菇、腰果、花菇、鸡仔饼同手制花等。数一数农历新年都就快到，Kelly知道特首系出名嘅「爱妻号」，唔知系咪提早帮李太「入定货」？
开幕礼结束后，特首就去咗海味老字号「安记鲍鱼」、零食品牌「自然派」等摊位，买咗冬菇、腰果、花菇、鸡仔饼等靓货，花咗大概二千七百几元。其实呢啲嘢都好啱过年用，特首出名锡老婆，有人就问佢系咪提早帮李太「入定货」，佢就笑住话：「今日系支持工展会」。「安记鲍鱼」嘅潘老板之后就透露，特首买嘢𠮶阵同摊位同事「有倾有讲」，份人好随和。
特首亦好支持社企发展，喺其中一个社企摊位买咗扎好靓嘅手制花。现场亦有人问特首，系咪买嚟送畀太太，佢就笑咗下冇直接回答。不过特首之后就喺fb专页话，佢买嘅𠮶扎手制花，系一班听障人士亲手整嘅，十分之靓，放喺屋企，或者送畀人都好合适。
另外，特首亦参观咗今年工展会嘅亮点摊位「怀旧玩具时代」，形容呢啲玩具勾起唔少童年回忆，又话细个𠮶阵冇手机、冇网络，但只要拎住一个细细嘅铁皮机器人喺手，已经可以高兴玩大半日。
Kelly Chu
■唔单止去工展会支持食品，李家超都有同公仔合影！好想要！
开幕礼结束后，特首就去咗海味老字号「安记鲍鱼」、零食品牌「自然派」等摊位，买咗冬菇、腰果、花菇、鸡仔饼等靓货，花咗大概二千七百几元。其实呢啲嘢都好啱过年用，特首出名锡老婆，有人就问佢系咪提早帮李太「入定货」，佢就笑住话：「今日系支持工展会」。「安记鲍鱼」嘅潘老板之后就透露，特首买嘢𠮶阵同摊位同事「有倾有讲」，份人好随和。
特首亦好支持社企发展，喺其中一个社企摊位买咗扎好靓嘅手制花。现场亦有人问特首，系咪买嚟送畀太太，佢就笑咗下冇直接回答。不过特首之后就喺fb专页话，佢买嘅𠮶扎手制花，系一班听障人士亲手整嘅，十分之靓，放喺屋企，或者送畀人都好合适。
另外，特首亦参观咗今年工展会嘅亮点摊位「怀旧玩具时代」，形容呢啲玩具勾起唔少童年回忆，又话细个𠮶阵冇手机、冇网络，但只要拎住一个细细嘅铁皮机器人喺手，已经可以高兴玩大半日。
Kelly Chu
更多文章
