Cally - 香港设计中心二十周年 以「常行」展现可持续概念|商界讲呢啲

唔讲唔觉,原来香港设计中心今年已经二十岁啦。咁嘅大日子佢哋就梗系搞大佢贺一贺啦!所以就衍生出一系列以「设计‧构建可持续社区」为主题嘅庆祝活动,「常行」设计展览就系重点活动之一。

「常行」有流动、可变意味,将「可持续」概念由最基本的物料运用开始,延伸至心灵乃至文化承传等面向,以崭新角度展示。而展览会分别喺中环街市同PMQ元创方举行。而场地嘅差异就考验策展团队嘅「设计续航」力啦,所以展览利用灵活、易于运送的板材,以唔同形式的立体几何组合作出变奏,去展示合共50多件形形色色、跨越世代嘅展品,用呢啲「有形」嘅展品,嚟呈现背后珍贵「无形」嘅价值。由于容易拆件组装,就可以一次过满足两个场地嘅需要,不但精简、功能性强而富美学品味,亦都可以完美回应展览主题的核心概念。

如果对作品有兴趣,仲可以参加公众导赏团、工作坊和设计师分享会等活动。喺中环街市116号店Spectrum内的DS Pop-up亦提供由本地设计的生活好物,可以当做圣诞礼物添!
「常行」展览
日期:即日起至2022年12月12日
时间:11:00-20:00
地点:中环街市一楼活动场地
收费:免费入场
日期:2022年12月15日至2023年1月29日
时间:11:00-20:00
地点:中环PMQ元创方HG10-HG12 & HG19
收费:免费入场
Cally■同场展出出自香港多位举足轻重设计师如Henry Steiner、靳埭强、李永铨及又一山人等人的21张海报作品。

■同场展出出自香港多位举足轻重设计师如Henry Steiner、靳埭强、李永铨及又一山人等人的21张海报作品。
更多文章