Cally - 撑港队｜周日奥海城见证霹雳舞香港代表队诞生｜商界讲呢啲

Cally

2022-11-09 00:00 HKT

阅讀更多

內容

平时不受注目嘅体育运动，因为喺奥运拎到好成绩而再次开始受港人注意，虽然Cally我平日好少留意体育运动，但喺代表我哋香港嘅运动员点都要支持吓！喺2024年巴黎奥运霹雳舞将会成为新增嘅项目，香港体育舞蹈总会霹雳舞分部就特别举办三场「2022香港霹雳舞代表队选拔赛」选角，之前两场已经喺6月同9月完成，喺嚟紧11月12至13号最后一站就会继续喺奥海城压轴登场。之前个站我都有去睇，系商场睇住成班Bboys Bgirl出尽力比赛，真系Feel到佢地好热血，现场咁多人一齐欢呼，真系好好Feel。今次大奖赛连同之前两站得分，将会选出最高分数嘅6男6女代表香港队出战日本Breaking For Gold Series赛事。

唔好睇佢哋唔声唔声，原来上个月喺韩国举办嘅2022年霹雳舞世锦赛就首次打入64强。不过一直大力支持香港霹雳舞运动员及本地霹雳舞发展嘅信和集团就希望佢地可以更上一层楼！佢哋将会赞助香港霹雳舞运动员到日本训练及参加2023年2月于日本九州举行的Breaking For Gold World Series比赛，向世界排名前列嘅日本队，同埋其他世界各地嘅精英舞者交流取经，希望特训可以带嚟更多霹雳舞技术上的启发，突破自己创出更好成绩。

讲返个选拔赛，比赛形式按岁数及性别划分6个组别进行「1对1」对战，之前两站累计分数较前嘅种子选手，会连同大奖赛海选晋级选手喺12至13号激战，争取成为香港代表。所以大家可以近距离欣赏本地霹雳舞运动员比赛，现场感受霹雳舞强烈节奏的音乐以及充满舞者个人风格的舞步。比赛嘅详情，大家可以上去香港体育舞蹈总会霹雳舞分部Instagram (hkdsa_breaking)了解吓。
Cally